ജനുവരി 16, 2014
Thursday 10.20 am


ഇന്ദ്രധനുസ്സുകൾ മിന്നലടരസ്ത്രങ്ങളൊളിക്കും
മേഘമാർവും കടന്നാകാശനൗകയേറിയ
നക്ഷത്രങ്ങളിലൊന്നിൽ തിളങ്ങും
അതീവദിവ്യമാം കാവ്യസ്പന്ദമേ
മനസ്സതിരുകളിൽ മുൾവേലികളും
മുനമ്പുകളും, ഹരിതകാനനങ്ങളും
തീരങ്ങളും അദൃശ്യഭാവമാകുമ്പോൾ
ഉഷസ്സിൽ സ്നാനം ചെയ്തുണരും
പവിഴമല്ലിയിതളുകളിൽ
ഹൃദ്സ്പന്ദനകാവ്യം
ദൃശ്യതയിലൊരനുമന്ത്രണം
സ്മൃതിവിസ്മൃതികൾ
സമാന്തരഭാവമാർന്ന ഭൂസ്വരങ്ങൾ
ദീപാന്വിതമാം സമുദ്രതീരങ്ങളിൽ
വെൺശംഖുകളിൽ സ്പന്ദിക്കും കടൽ
മനസ്സിൽ മതിൽക്കെട്ടിനുള്ളിൽ
കാവ്യഭാവമാർന്ന രത്നഖചിതമാം
ഉഷസന്ധ്യ