Thursday, February 27, 2014

February 28, 2014
IST 10.30 AM
Friday


ഇതളടർന്ന സ്വപ്നങ്ങളുടെ
ഇലച്ചാർത്തിൽ
മഴപൊഴിയും മൊഴിയിൽ
പാതിയെഴുതിയ ലോകസ്മൃതിയിൽ
പകുത്തിട്ട മനസ്സിൽ
അന്ധരഗാന്ധാരങ്ങളിൽ
അവിശ്വസനീയമാം കഥകളിൽ
ആന്ദോളനങ്ങളിൽ
സമുദ്രലയം തെറ്റിയ തീരങ്ങളിൽ
ചിതറിവീണ മൊഴിയിൽ
നനവായൊരു ദിനം...
പകലോരങ്ങളിലൂടെ
പലതും പറഞ്ഞുനീങ്ങുമാൾക്കൂട്ടത്തിനരികിൽ
നിഴലിനോട് പൊരുതിയുടഞ്ഞ അക്ഷരങ്ങൾ
മുഖം ദർപ്പണഛായയിൽ നിന്നകലുന്നു
അന്തരംഗമൊരു ധ്യാനമണ്ഡപമാകുമ്പോൾ
ചുമരുകൾ ചുറ്റിയോടുന്ന
ഗ്രഹങ്ങൾ ജപമുത്തുകളാകുന്നു...

No comments:

Post a Comment