March 25, 2014
IST 11.37 AM
Tuesday


ചുമരുകളിലിടയ്ക്കിടയ്ക്ക്
ഓർമ്മപ്പെടുത്തലുണ്ടാവും
നിയന്ത്രിതവുമനിയന്ത്രിതവുമായ
നോവുകൾ യാത്ര ചെയ്യും പാതയിലൂടെ
അക്ഷരക്കൂടയുമായ് ഹൃദയം സ്പന്ദിക്കുന്നു..
ചില്ലുതരി വീണു മുറിഞ്ഞവയിൽ
ചിലത് കൂട്ടിമുട്ടിയുരസിയുണർന്ന
കടുത്ത വാക്കുകൾ പഴയ മനസ്സ്
എടുത്ത് നോക്കുന്നു
കാരിരുമ്പ് പോലെ ഭാരമുള്ള
കടുത്ത അക്ഷരങ്ങൾ...
ചുമരുകളിൽ നിറയുമനിഷ്ടങ്ങൾ
കാണാത്ത പോൽ നടക്കാനിന്നിഷ്ടം..
അധികഭാരമേറ്റിയൊരിക്കലുലഞ്ഞ
അക്ഷരക്കൂടയിൽ പൂവു പോൽ വിരിയും
വാക്കുകൾ നിറയ്ക്കുമ്പോൾ
ഹൃദയത്തിന് താങ്ങാനാവുന്ന മൃദുഭാരം..