Sunday, March 30, 2014

March 31, 2014
IST 9.58 AM
Monday



കഥ തീർത്തെഴുതിയ പകലോരത്ത്
ദിനങ്ങൾ ചുറ്റിയോടിയ സംവൽസരങ്ങളുടെ
താളിയോലകൾ
നഗരം ഗ്രാമത്തിലേയ്ക്ക് പകർന്നിട്ട
അതിശയകരമായ ആവലാതികൾ
മുളം കാടുകൾക്കപ്പുറം
കവിതയുണർന്ന ദേവദാരുക്കളിൽ
കല്പാന്തങ്ങളുടെ രുദ്രനടനം
മിഴിപൂട്ടിയുറങ്ങിയ സ്വപ്നങ്ങളുലഞ്ഞുടഞ്ഞ
സന്ധ്യാതീരത്തിൽ
നക്ഷത്രങ്ങൾ പകരും ചെറുവെളിച്ചം
മൊഴിയിഴയിൽ കസവുതുന്നി
വീണ്ടും പ്രഭാതമുണർന്നപ്പോൾ
സ്വപ്നങ്ങൾ അക്ഷരങ്ങളെ
വിരൽതുമ്പിലുപേക്ഷിച്ച്
പായ്ക്കപ്പലിൽ ഉൾക്കടലിലേയ്ക്ക്
യാത്രയായിരുന്നു
ഭൂഗാനങ്ങൾ പ്രകമ്പനമായ്
കടലിലുയർന്നൊടുവിൽ
മുനമ്പിൽ സമാധിസ്ഥമായി..

No comments:

Post a Comment