April 14, 2014
IST 10.32 AM
Saturday



ഇടനാഴിയ്ക്കപ്പുറം
ജാലകവിരിയ്ക്കപ്പുറം
ആകാശം കണ്ടുണരും ഗ്രാമം
ചിന്തേരിട്ട നഗരത്തിരക്കിൽ
നഗരപാതയിലൂടെ
വൃക്ഷശിഖരങ്ങൾക്കിടയിലൂടെ
അകന്നകന്നുപോകും ആകാശം
മുളം കാടുകൾ സംഗീതമാവും
ആരണ്യകത്തിലൂടെ
യാത്രയാവും അനന്യമാമൊരു
അദൃശ്യദൃശ്യത
മഹാദ്വീപങ്ങളിൽ
മഹായാനങ്ങളിൽ
ദിശതെറ്റിയ നേർ രേഖകൾ
വഴിയോരത്തൊരു വേനലവധിയിൽ
ഗ്രാമത്തിലേയ്ക്കൊഴുകും മനസ്സ്
ഉദ്യാനത്തിൽ പെയ്ത മഴപോലെ
ഹൃദയത്തിലമൃതവർഷിണി
മിഴിപൂട്ടിയ ധ്യാനമണ്ഡപങ്ങളിൽ
പ്രഭാതം ഒരു ജപമുത്തിലൊളിക്കുന്നു...