April 18, 2014
IST 9.09 AM
Friday


തീർഥസ്നാനം  ചെയ്തുണരും
സമുദ്രതീരങ്ങളിൽ
പ്രശാന്തിഗാനമെഴുതും
മണൽത്തരികൾ
ദീപ്തഭാവമാർന്ന ചുറ്റുവിളക്കുകൾ
ശീവേലി കണ്ടുണരും
ക്ഷേത്രനടയിൽ ഭാരരഹിതഹൃദയം
തൂവൽ പോലെയൊഴുകുന്നു
ആകാശം ചുരുങ്ങിയ പ്ലാനറ്റോറിയത്തിൽ
ഒഴുകും ഗ്രഹചിത്രങ്ങളിൽ
ഒരത്ഭതച്ചിമിഴ്
മിഴിരണ്ടിലുമൊഴുകിയ
നക്ഷത്രങ്ങളിൽ കാവ്യസ്പന്ദങ്ങൾ
മൊഴിയെഴുതാനായെത്ര ഗ്രഹങ്ങൾ
ഉപദ്വീപിനൊരു കോണിൽ
എത്രയെത്ര അഗ്നിസ്ഫുലിംഗങ്ങൾ
അത്ഭുതയന്ത്രപ്പറവകൾ
അതിനേക്കാൾ വേഗത്തിലോടുന്നുവോ മനസ്സ്
അക്ഷരങ്ങൾ നിറഞ്ഞുതൂവിയൊഴുകും ഹൃദയമേ
നീയെവിടെ സൂക്ഷിക്കുന്നു
നിലവിളക്കിന്റെ നിറതിരിനാളം പോലെ
പരിശുദ്ധമാം ജീവന്റെ അഗ്നി..