April 6, 2014
IST 8.04 AM
Sunday

വാതായനങ്ങൾക്കപ്പുറം
പ്രഭാതമുണരും ചക്രവാളം
നിറം തീർന്ന മനസ്സിൽ
ഒരു മഴത്തുള്ളി
മൊഴിയേറിയ സമുദ്രം
മുനമ്പിലൊരു ശംഖിൽ
ദൃശ്യാദൃശ്യമാം മരീചികപോൽ
ദിനങ്ങൾ ചേർത്തടുക്കും നിനവുകൾ
സ്വപ്നമുറങ്ങിയുണർന്ന നക്ഷത്രങ്ങൾ
പ്രഭാതത്തിൻ തിരശ്ശീലമറവിൽ
കവിതയെഴുതുന്നു
പ്രകാശമൊഴുകിയൊഴുകി
മിഴിയേറിയ ദിനപ്പൂമുഖത്ത്
തിളങ്ങും നിലവിളക്ക്
ഗ്രാമം മനസ്സേറ്റിയ പഴമ
നഗരമാറ്റിക്കുറുക്കിയ തനിമ
ഇഴചേർത്ത് തുന്നിയ
ഗ്രാമനഗരങ്ങൾക്കിടയിൽ
മുത്തുമണികൾ പോൽ അക്ഷരങ്ങൾ