AUGUST 12, 2014
IST 9.06 AM


മഴക്കാലമൊരു നീർക്കണമായ്
മാഞ്ഞുതീരും പ്രഭാതത്തിൽ
ഹരിതാഭമാം സ്വപ്നം വിടരും തളിരിലകളിൽ
വരുംഋതുക്കളുടെ ദീർഘവീക്ഷണമിഴി
ഗ്രാമമൊരൊതുക്കുകല്ലിൽ
ചന്ദനവർണ്ണമാർന്ന നിത്യതയാവുമ്പോൾ
നഗരം വളരും പാതയോരം
നക്ഷത്രക്കൂടാരം തേടി, ആകാശം തേടി
ചിന്തേരിട്ട ഗോപുരമുകളിൽ
നീർത്തുള്ളികൾ തൊട്ടുണർത്തും
ഹൃദയത്തിൽ സുഗന്ധമാർന്നൊരു
പവിഴമല്ലി
ഇടവേളയിലെഴുതിയ ചില്ലടർന്ന
അക്ഷരമുറിവിൽ ചക്രവാകപ്രഭാതസ്വരം
മൊഴിയുലഞ്ഞ മുനമ്പിൽ
ധ്യാനത്തിലൊരു ശംഖ്