April 15, 2014
IST 9.47
Tuesday


ബുദ്ധപ്രതിമകൾക്കരികിൽ
പലകാലത്തിന്റെയെഴുത്തുപെട്ടികൾ
ആരോഹണത്തിലൊരു സ്വരമിടറിയ
സാധകവേളയിൽ അസ്ത്രങ്ങളേറിയ
ഭൂപാളങ്ങൾക്കിടയിൽ
പൂർവസന്ധ്യയുടെ സ്വാന്തനപ്രകാശം
ശിഖരങ്ങൾ വളർന്നേറും
ശിഥിലചിന്തകൾക്കരികിൽ
ഹൃദയസ്പന്ദങ്ങളിൽ വിരിയും
കവിത
ഗന്ധകഗന്ധം നിറയും ആവനാഴികൾ
കണ്ടത്ഭുതപ്പെട്ട പ്രഭാതങ്ങളിലൂടെ
നടന്നിത്രദൂരമെത്തിയ പകൽത്തീരങ്ങളിൽ
പാതിമിഴിതുറന്ന പാരിജാതമലരുകൾ
വിരൽത്തുടിയിൽ തുള്ളിതുളുമ്പി വീഴും
അക്ഷരങ്ങളുയർന്നേറി സമുദ്രത്തിലേയ്ക്കൊഴുകുന്നു..